வெள்ளி, அக்டோபர் 31, 2014

சகுந்தலா வந்தாள் -வாசகர்கூடம் ப்ளாக் ஸ்பாட்


படைப்பாக்கம் : சீனு 

பல கூறுகளாக பிரிந்து கிடக்கும் சமூகத்தில், சமூகம் உங்களை எந்த அடுக்கில் வைத்து அழகு பார்க்கிறது என்பதைப் பொறுத்தே ஒரு புத்தகம் உங்களினுள் தாக்கத்தை ஏற்படுத்துவதற்கும் ஏற்படுத்தாமல் போவதற்குமான சாத்தியங்களைக் கொண்டுள்ளன. நீங்கள் மத்திய வர்க்கத்தைச் சேர்ந்தவர் என்றால் ஒரு மத்திய குடும்ப சூழலை, நீங்கள் தினசரி அனுபவிக்கும் கொடுமைகளைப் பற்றி எழுதப்பட்ட ஒரு நாவல் உங்களினுள் மிகப்பெரிய தாக்கத்தை ஏற்படுத்த வேண்டும் என்பது உறுதியில்லை அதற்கான அவசியமும் இல்லை. இதுவே இதுவரை நீங்கள் பார்த்திராத ஒரு உலகத்தை அதில் நடமாடும் மக்களைப் பற்றிய வாழ்வியலை அந்த எழுத்தாளர் அறிமுகப்படுத்துகிறார் என்றால் அதனால் ஏற்படும் தாக்கம் வேறுவிதமாய் இருக்கும். கிட்டத்தட்ட இந்த சகுந்தலா வந்தாள் கூட அப்படியான ஒரு நாவல் தான். 

கல்பனா என்னும் சிறுமி தன் இரண்டாவது அப்பாவால் சீரழிக்கப்பட அவளை விபச்சார விடுதியில் கொண்டு சேர்க்கிறாள் ஏற்கனவே பாலியல் தொழிலாளியாக இருக்கும் அவள் அம்மா. பருவம் அடைந்த சில நாட்களிலேயே விபச்சார விடுதில் சேர்க்கப்படும் கல்பனா, அங்கே தன் நாட்கள் எப்படி நகருகிறது, என்ன மாதிரியான மனிதர்களைச் சந்திக்கிறாள் அவர்களை எப்படி எதிர்கொள்கிறாள் என்பதில் இருந்து வளர்கிறது கதை. கதையில் மொத்தமும் நான்கே நான்கு மையக் கதாப்பாத்திரங்கள்தான். கல்பனா, ஜானி, சகுந்தலா பின் கமலக்கண்ணன். இதில் கிட்டத்தட்ட கதாநாயக அந்தஸ்து கொண்ட நபர் திருவாளார் கமலக்கண்ணன்.

கல்பனா பாலியல் தொழிலாளியாவதற்கு முன்பே அவளுக்கு ஜானி என்றொரு காதலன் இருந்துள்ளான், தன்னை ஒருதலையாய்க் காதலித்தவன்தான் என்றபோதிலும் எதிர்பாராத சந்தர்ப்பத்தில் தான் வசிக்கக்கூடிய விபச்சார விடுதியில் வைத்தே ஜானியை சந்தித்து விடுகிறாள் கல்பனா. தான் உருகி உருகி காதலித்த பெண், பாலியல் தொழிலாளியாக இருக்கிறாள் என்பதை ஏற்றுகொள்ள முடியாமல் தவிக்கிறான் ஜானி. அவளுக்காக காத்திருந்த நாட்களையும் காதலித்த நாட்களையும் அவளிடம் கூறி தன்னோடு வந்து மணமுடித்துக் கொள்ளும்படி கேட்கிறான். இவளோ தான் ஒரு பாலியல் தொழிலாளியாகவே மாறிவிட்டதாகவும் தனக்கு குடும்பம் நடத்தத் தெரியாது என்றும் கூறுகிறாள். அதாவது இத்தனை நாட்களில் அவள் இருக்கும் நான்கு சுவற்றைத் தாண்டி என்ன இருக்கிறது என்பதையே அவள் அறிந்திருக்கவில்லை. அல்லது அதற்கான அவசியமும் ஏற்பட்டிருக்கவில்லை. கல்பனாவின் பார்வையில் அவள் கூறுவது மிகச்சரியே, இருந்தும் அதனை ஜானியால் ஏற்றுகொள்ள முடியவில்லை.

இந்தக் காதல் தோல்வியில் இருந்து மீள ஜானுக்கு உடனே வேறொரு பெண் தேவையை இருக்கிறாள். இந்நேரத்தில் தற்செயலாக ஜெராக்ஸ் கடையில் பார்க்கும் ஒரு பெண்ணின் மீது மையல் கொள்கிறான். அந்தப் பெண்தான் சகுந்தலா. இவர்களுக்கு இடையேயான காதல் என்பது இதுநாள் வரை நா(ம்)ன் அறிந்திராத கொச்சை மொழியில் எழுதப்பட்ட காதல். ஜான் எடுத்த உடனேயே அவளிடம் கொச்சை மொழியில் பேசத்தொடங்குகிறான், மெல்ல சகுந்தலாவும் அதை விரும்பத் தொடங்குகிறாள். மொபைல் போன் மூலம் மெல்ல வளருகிறது இவர்கள் காதல். ஒரு கட்டத்தில் தனது பிறந்தநாள் பரிசாக தன்னையே ஜானுக்கு அளிக்கிறாள் சகுந்தலா.. ஜானிக்கும் சகுந்தலாவிற்கும் இடையே நடக்கும் காதலையும் ஊடலையும் காமத்தையும் கொங்கு மொழியில் ரசிக்கும்படி எழுதியுள்ளார் வாமுகோமு. 

இனி கமலக்கண்ணன். இவர் தன்னுடைய புலம்பல்களின் ஊடாகவே நம்மிடம் அறிமுகமாகிறார். முதலில் அவர் என்ன பேசுகிறார் ஏன் இப்படி பிணாத்துகிறார் என்பது புரியாவிட்டாலும் மெல்ல ஒவ்வொரு முடிச்சாக அவிழ அவிழ அனைத்தும் புரியத் தொடங்குகிறது. தற்சமயம் கமலக்கண்ணன் ஒரு நல்ல முதலாளியிடம் நல்லா விசுவாசியாக இருந்து வேலையை இழந்தவர். மனைவி தன்னுடன் சண்டையிட்டு இரு குழந்தைகளையும் தூக்கிக்கொண்டு அப்பன் வீட்டுக்குப் போய்விட்ட மன வருத்தத்தில் இருப்பவர். போதாக்குறைக்கு சகுந்தலா என்னும் தன்னுடைய அத்தைப் பெண்ணின் மூலம் வந்த தேவையில்லாத பிரச்சனைகள்.

அல்லது சகுந்தலா எப்போது கமலக்கண்ணனின் வாழ்க்கைக்குள் குறுக்கிட்டாளோ அப்போதிருந்தே பிரச்சனைக்குள் தள்ளப்படுகிறான் கமலக்கண்ணன். சகுந்தாலவிற்கு ஒரு கறுப்புப் பக்கம் இருக்கிறது, அதில் இருந்து அவளை மீட்பதற்காக உதவி செய்கிறார் கமலக்கண்ணன், சகுந்தலாவிற்கு உதவக் கூடாது என்று அவன் மனைவியும் அம்மாவும் எவ்வளவோ மறுத்தும் கூட கேட்காமல் சகுந்தலா என்னும் அந்த குழிக்குள் போய் விழுகிறான் கமலக்கண்ணன். இங்கே கமலக்கண்ணனுக்கும் அவன் மனைவிக்கும், கமலக்கண்ணனுக்கும் சகுந்தலாவிற்கும் இடையே நடக்கும் காட்சி நகர்வுகளை அற்புதமாக நகர்த்தியிருப்பார் வாமுகோமு. கமலக்கண்ணனின் மனைவி கணவனை தன்னுள் வைத்து ஆள நினைக்கும் ஒரு பெண், சாதாரணமாகத் திட்டுவது என்றாள் கூட பச்சை பச்சையாகத்தான் திட்டுகிறாள். 

ஆனால் சகுந்தலாவோ சரியான காரியக்காரி. தன்னுடைய அந்த நிமிட உல்லாசத்திற்காக எதை வேண்டுமானாலும் செய்யத் துணிந்தவள். கற்பிலிருந்து கருவறை வரை அனைத்தையும் விற்கத் துணிந்தவள். இவர்கள் இடையேயும் மாட்டிக் கொண்டு கமலக்கண்ணன் புலம்புவதைப் பார்க்க நமக்கே பாவமாய் இருக்கும். சில சமயம் சகுந்தலா மீது கோபம் வருவதற்குப் பதிலாக கமலக்கண்ணன் மீது கோவம் வருகிறது. தன் இயலாமையால் தன்னைத்தானே நொந்து கொள்பவனை யாருக்குத்தான் பிடிக்கும். ஆனால் இது ஒன்றும் எதார்த்தத்தை மீறிய நிகழ்வு இல்லையே. நிகழ்வாழ்வில் உங்களுக்குத் தெரிந்தவராகவோ அல்லது உங்களில் ஒருவராகவோ கூட அந்தக் கமலக்கண்ணன் உலவக்கூடும். மொத்தத்தில் 'சகுந்தலா வந்தாள்' வாழ்வில் ஏதோ ஒர் இடத்தில் நாம் சந்திக்கக் கூடிய நான்கு மனிதர்களின் மிக அருகில் சென்று அவர்களுக்குள் இருக்கும் அந்தரங்கத்தைப் படம் பிடித்துக் காட்டி இன்னார் இப்படித்தான் இருப்பார்கள் என்பதோடு முடிகிறது.   

வாமுகோமு எழுதியவற்றில் நான் படிக்கும் முதல் நாவல் இதுதான். கொங்கு மொழியில் எழுதப்பட்ட நாவல் என்பதால் சில இடங்களில் சில வார்த்தைகளின் அர்த்தம் எனக்கு விளங்கவில்லை, சிலவற்றை வாக்கியத்தின் கட்டமைப்பின் மூலம் இதுவாக இருக்குமோ என்று அவதானிக்க வேண்டியிருக்கிறது. மேலும் கமலக்கண்ணன் புலம்பும் மிக சில இடங்களைத் தவிர்த்து நாவல் மொத்தத்தையும் அலுப்பு தட்டாமல் நகர்த்தியிருக்கிறார் வாமுகோமு. 

சிறிய எச்சரிக்கை. ஒருவேளை நீங்கள் பாலியல் சம்மந்தமான வார்த்தைகளைக் கொண்ட ஒரு புத்தகம் படிப்பதை உங்கள் வீட்டில் இருக்கும் யாரேனும் விரும்பாது போனாலோ அல்லது உங்கள் வீட்டில் இருக்கும் யாரேனும் படிப்பதை நீங்கள் விரும்பாது போனாலோ அதற்கான முன்னெச்சரிக்கை தற்காப்பு நடவடிக்கைகளை மேற்கொண்ட பின்னர் சகுந்தலாவை வரவழைக்கவும், ஏனெனில் இவளும் இவளோடு பழகுபவர்களும் கொஞ்சம் மோசமானவர்கள். 

பாலியல் சார்ந்த வார்த்தைகள் சம்பவங்கள் அனைத்தும் அப்படிக்கு அப்படியே எழுதப்பட்டுள்ளதால் உங்களில் எத்தனை பேருக்கு இந்தப் புத்தகம் பிடிக்கும் என்று தெரியவில்லை. ஒருவேளை வாசிக்கத் தொடங்கினீர்கள் என்றால் புத்தகம் முழுவதையும் முழுமூச்சில் வாசித்து முடிப்பதற்கான சாத்தியக்கூறுகள் அதிகம், காரணத்தை விளக்கவேண்டிய அவசியமில்லை என்று நினைக்கிறன். வேண்டுமானால் இந்தப் புத்தகத்தை இரண்டு பகுதியாகப் பிரிக்கலாம். 

ஒன்று முழுக்க முழுக்க காமரசம் சொட்டும் ஓரளவிற்கு ஆபாச வார்த்தைகள் குறைந்த சில பாலியல் சம்பவங்கள் அடங்கிய புத்தகம். இரண்டாவது உளவியல் ரீதியாக பாதிகப்பட்ட ஒருவன் அல்லது எதையுமே எதிர்த்துக் கேட்கத் துணிவில்லாத நடப்பதை அப்படியே ஏற்றுக் கொள்ளகூடிய ஒருவனின் மன ஓட்டங்களின் உளவியல் சார்ந்த புத்தகமாகவும் இதனைக் கொள்ளலாம். இந்த இரண்டும் ஒன்றோடு ஒன்று கலந்து ஒன்றாக உருவெடுத்திருப்பது தான் சகுந்தலா வந்தாள். இதில் எந்தப் பகுதியை நீங்கள் உள்வாங்கிக் கொள்ளபோகிறீர்கள் என்பது உங்களுக்கு விடப்பட்ட சவால். ஆனால் கதை முடியும் போது நிச்சயமாய் இரண்டின் தாக்கமும் உங்களிடம் இருக்கும் என்பதே சகுந்தலா வந்தாளின் வெற்றி. மணவாழ்க்கையில் நுழைந்தவர்கள் நுழைய இருப்பவர்கள் என்று இரு தரப்பினரும் படிக்க வேண்டிய புத்தகம். 

ஆசிரிய பற்றி:

வா.மு.கோமு தன்னுடைய வித்தியாசமான, துணிச்சலான சிறுகதை மற்றும் கவிதை முயற்சிகளுக்காகப் பெரிதும் கவனம் பெற்று வருபவர். திருப்பூரைச் சேர்ந்தவர், பெரும்பாலும் தான் கையாளும் படைப்புகளில் கொங்கு மொழியைப் பிராதனமாகக் கொண்டு எழுதி வருகிறார். கலாச்சாரரீதியான மனத் தடைகளை, மொழியின் குதூகலமும் அங்கதமும் கொண்ட இவரது மொழி வெகு இயல்பாகத் தாண்டிச் சென்றுவிடுகிறது. எதார்த்த உலகின் அழுத்தமான காட்சிப்படுத்தல்கள் சட்டென அதீதப் புனைவுகளுக்குள் கரைந்து ஒரு புதிய அனுபவத்தை உருவாக்குகின்றன.

*****

நடுகல் வெளியீடு புத்தகங்கள் 

1.வாமுகோமுவின் வழக்கமான நடையில் இல்லாமல் வித்தியாசமான முறையில் உள்ள வயது வந்தோருக்கான நாவல் - சகுந்தலா வந்தாள் -வாமு கோமு - ரூ 150

2.தஞ்சை ஓவியத்தின் மறுபக்கத்தை சொல்கின்ற தமிழின் முக்கியமான நாவல்கள்ளம்-தஞ்சை ப்ரகாஷ் -ரூ210

3.கொங்கு வட்டார கிராம மக்களின் வாழ்வியல் கலந்த பலரின் பாராட்டுகளைப் பெற்ற நாவல் குருத்தோலை-செல்லமுத்து குப்புசாமி -ரூ150

4.சாதாரண மொழியில் புனையப்பட்ட சிறு குறிப்புகள் அடங்கிய சிரிக்கவும், சிந்திக்கவும் வைக்கின்ற அழகான தொகுப்பு அப்புச்சி வழி - வாமு கோமு(நினைவோடைக் குறிப்புகள்

மூன்று நாவல்கள் மற்றும் ஒரு நினைவோடைக் குறிப்புகள் அடங்கிய புத்தகங்கள் மொத்தம் 610ரூபாய் வருகின்றது நான்கும் வாங்குபவர்களுக்கு தபால் செலவு இலவசம் ஒன்று, இரண்டு, வாங்குபவர்களுக்கு 30 ரூபாய் மட்டும் கூரியர் செலவு சேர்த்து அனுப்ப வேண்டும் தேவைப் படுபவர்கள் வீடு சுரேஷ் குமார் அவர்களைத் தொடர்பு கொள்ளவும். அழைக்க : 98439 41916

பணம் அனுப்ப வேண்டிய விவரம்

Sureshkumar.K
A/NO :622302010009565,
IFSE CODE : UBIN0562238,
PN ROAD BRANGE, 
TIRUPUR-2.
BANK : UNION BANK OF INDIA


Post Comment

பின்நவீன டயர் கதை



பின்நவீன டயர் கதை

தனராஜ் சிறுவயதில் இருந்தே இப்படியான பழக்கம் தனக்கிருப்பதாக தனக்கெதிரே யாரும் இல்லாதிருந்த ஒரு மாலை நேரத்தில் யாருக்கோ சொல்லிக் கொண்டிருந்தான். அதாவது பெற்றோர்கள் திருவிழா காலங்களில் பொம்மைகள் வாங்கிப் பரிசளிக்க முன்வந்த போது தனராஜ் நான்கு சக்கரங்கள் அமைந்த லாரி மற்றும் கார் இவைகளை அதிகம் விரும்பினான். ஊருக்கு வரும் உறவினர்களிடமும் அடிக்கடி எனக்கு கார் பொம்மை வாங்கிட்டு வந்தீங்களா அங்க்கிள்? என்றும், எனக்கு கடைசிக்கி ஒரு பைக்காச்சும் வாங்கிட்டு வந்திங்களா அத்தை? என்றும் கேட்கத் துவங்கினான்.

பொம்மைகளின் மீது விருப்பமாய் இருக்கும் குழந்தைகள் அவற்றை திருவிழாக்காலங்களில் மட்டுமே பெற்றுக் கொள்ள முடியும் என்பதை தெரிந்தே வைத்திருக்கின்றனர். தனராஜுக்கு திருவிழா என்பது அவசியமே இல்லை. எல்லா நாளும் அவனுக்கு புதிய வாகனங்கள் தேவைப்பட்டுக்கொண்டே இருந்தன. அவனது இல்லத்திற்கு காதுகுத்து அழைப்பிற்கோ அல்லது திருமண அழைப்பு கொண்டு வருபவர்கள் தனராஜுக்காக வரும் வழியில் பேன்ஸி கடையில் சாவி கொடுத்தால் ஓடும் காரோ அல்லது பேட்டரியில் இயங்கும் காரோ வாங்கி வந்து பத்திரிக்கையோடு காரையும் கொடுத்துச் சென்றார்கள்.
இப்படியாக தனராஜ் புகழ் சொந்த பந்தங்கள் அனைத்திற்கும் விரிந்திருந்தது.

தனராஜின் தந்தை முருகவேல் சிறுவனான தனராஜுக்கு நான்கு சக்கர வாகனங்கள் வாங்கிக் கொடுத்து சோர்ந்து போனார். ஆகவே அவன் சோர்ந்து போன தந்தையை விட்டு விட்டு தாய் மீனாட்சியை கெட்டியாக பிடித்துக் கொண்டான்.

தனராஜ் தான் பெற்றுக்கொள்ளும் ஒவ்வொரு வாகனத்தையும் ரொம்ப பதனமாக வைத்திருப்பதில்லை என்பது தான் அவனது பெற்றோர்களின் ஒரே கவலை. வாங்கிய மறு நிமிடமே காரின் டயர்கள் நான்கையும் கழற்றி பிய்த்தெடுத்து விடுவான். பின் காரை அட்டாறியிலோ, அல்லது குப்பையிலோ வீசி விடுவான். அவனுக்கு தேவையெல்லாம் பொம்மைகளின் டயர்கள் மட்டும் தான். அவைகளே அவனின் விருப்பமாக இருந்தன. அப்படி அவன் தனது பத்தாவது வயதில் வீட்டில் பத்துக்கு பத்து அளவுள்ள இரண்டு அறைகளில் டயர்களை சேமித்திருந்தான்.

பத்து வயதை தாண்டும் சமயத்தில் அவனுக்கு பரிசாக வாகனங்கள் கொடுப்போரின் எண்ணிக்கை குறைந்து போனது. அவனது தந்தை ஒருநாள் அறைக்குள் கிடக்கும் டயர்களை ஒன்றாக காட்டுப்புறத்திற்கு கொண்டு சென்று தீ மூட்டி எரித்து விடுவதாக எச்சரித்துக் கொண்டிருந்தார். அதை தனராஜ் கண்டுகொள்ளவில்லை.

தனராஜ் தன் சேகரிப்பை நிறுத்திக் கொள்ளும் எண்ணத்திலும் இல்லை! அடுத்ததாக அவன் திருவிழா நாட்களில் பொம்மைக் கடைக்கார்களின் அருகில் அமர்ந்து கார்களை பறக்க வைக்க தன்னால் முடியுமென சபதம் போட்டுக் கொண்டிருந்தான். திரும்பத் திரும்ப நம்பிக்கையாய் சொல்லும் தனராஜை நம்பி ‘செய்து காட்டு’ என்று கடைக்காரர் சொன்ன மறு நிமிடமே பத்து கார்களின் டயர்களை கழற்றி பாக்கெட்டில் போட்டுக் கொண்டான் தனராஜ். ‘ஏன் அப்படி?’ என்று கேட்டவருக்கு ‘பறக்கையில் டயர் தேவையில்லை’ என்று சொல்லி விட்டு ஓட்டம் பிடித்தவனை கடைக்காரரால் கடையை விட்டு விட்டு துரத்தி ஓடி வந்து பிடிக்க முடியவில்லை.

தனராஜ் தன் இருபதாவது வயதில் நேசனல் ஹைவேசில் சிறந்த லாரி டயர் திருடனாக மாறியிருந்தான். இரவு நேரங்களில் ஓரம் பாரமாக நின்றிருக்கும் லாரிகளின் டயர்களை ஜாக்கி வைத்து ஏற்றி டயரை உருவிக் கொள்வான். இப்போது அவன் தந்தை அவனுக்காக விட்டுச் சென்ற ஐந்து ஏக்கர் நிலப்பரப்பில் அவன் எதுவும் பயிரிடுவதில்லை. மூன்று ஏக்கர் நிலப்பரப்பு முழுதும் லாரி டயர்களில் இருந்து இரு சக்கர வாகனங்களின் டயர்களை விதைத்திருந்தான்.

கணவனே அறியா வண்ணம் டயர் விற்பனையில் அவன் மனைவி செண்பகம் சிறந்து விளங்கினாள். நாலாவது ஏக்கரா காடு சீக்கிரம் நிரம்ப வேண்டுமே! ஏன் தாமதமாகிறது? என்ற குழப்பத்தில் நேசனல் ஹைவேசில் காலில் சக்கரம் மாட்டிய தனராஜ் சுற்றிக் கொண்டிருந்தான்.

00000000000000


Post Comment

வியாழன், அக்டோபர் 30, 2014

முகநூல் பதிவுகள் சில!


அப்புச்சி வழி- வாஞ்சையான மனிதர்களின் நெகிழ்வான வாழ்வியல்கள்.

எழுத்தால் வாசகனை வயிறு குலுங்க சிரிக்க வைக்க முடியுமானால், எழுத்தாளனுக்கு அதுவொரு வரம். வா.மு.கோமுவுக்கு அது அநாயசமாக வாய்த்திருக்கிறது.அப்புச்சிவழி புத்தகத்தை எடுத்து வாசிக்க உட்காருகையில், ஏதோ பாட்டன் முப்பாட்டன்களின் தொன்மங்களையும், வாழ்வியல்களையும் பிரித்து வேய்ந்து,தொகுத்திருப்பாரென, ஊகிக்கத்தான் என் சிற்றறிவுக்கு முடிந்தது. ஆனால் தன் தாய்வழித் தாத்தனுக்கு ஏற்பட்ட காம இதழ்களின் வாசிப்புக் காதலையும்,அதன் தொடர்ச்சியாக மூப்பெய்திய
அக்கிழவனுக்கு,கோமுக்குஞ்சு செய்து கொடுத்த நிறைவேற்றலையும் 
படிக்கும்போது எழுத்தாளரின் எதார்த்தம் நம் மனதை இடைமறித்து  எக்காளமிடுகிறது.

எல்லோருக்கும் அவரவர் சுற்றத்துடன் இணக்கமான உறவு உண்டு.அது
அவர்களது மனநிலைகளைப் பொறுத்தது.அதில் சில சுவாரசியங்களும்,
சில பிணக்குகளும்கூட நடந்தேறியிருக்கும்.ஆனால் நாமதில் பிணக்குகளையே நம் மூளைப்பெட்டியில் பூட்டிப் பத்திரப் படுத்திக் கொள்கிறோம். சுற்றங்கள் நம்மை அணுகும் நேரங்களில், அப்பிணக்குகளையே நினைவிலிருந்து, மெல்லத் திறந்து பார்க்கிறோம்.அவர்கள்மீது அம்புகளை தொடுக்கிறோம். எதிர்வரும் அம்புகளால் புண்பட்டு நோகிறோம்.சுற்றத்திற்கும் நமக்குமிருக்கும் ஏராள சுவாரசிய நிகழ்வுகள் பெரும்பாலும் நம்மில் நுழைவதே இல்லை.

சண்டை போட்ட பக்கத்துவீட்டு பங்காளியிடம், முற்பொழுதுகளில், கூடிப்பேசிக் களித்திருப்போம்.ஒரே தட்டில் உணவருந்தியிருப்போம். கம்மாய்க்கரடுகளில் விளையாடி மகிழ்ந்திருப்போம். அந்த ஹாய்ஸ்யங்களை, நம் மூளை அழுந்தப் பிடித்திருக்குமேயானால், சாலையில் எதிர்வரும் பங்காளியிடம், ஒரு சிறு புன்முறுவல் சமாதானம் விடுத்து,  உடனே பிணக்கைத் தீர்த்திருக்கலாம்.கோமு அத்தகைய காரியவாதி. சுற்றங்களை அவ்வளவு கொண்டாடியிருக்கிறார். பிணக்கற்ற ஓர் இனிய பயணத்தில் அவர்  பயணப் படுகிறாரென அவதானிக்கிறேன்.

அவரது எள்ளல் பொதிந்த எழுத்து, இந்நூலுக்கு ஆகப்பெரும் பலம். தான்சார்ந்த உறவுகள் மற்றும் நண்பர்களிடம் காண்கின்ற, வெள்ளந்தித் தனங்களை முடிந்தவரை, உண்மையாய் பதிவு செய்திருக்கிறார். சில புனைவுகளும் கண்களுக்கு புலப்படுகின்றன.அது சுகர்கோட்டட் சுவாரஸியத்துக்காக தேவைப்பட்டிருக்கலாம். அது கோமு அவர்களுக்கே வெளிச்சம்.

புத்தகத்தை எடுத்து, முதல் அத்தியாயத்தைப் புரட்டுகையில்,கோமுவின்
மனதை நீங்கள் ஓரளவு கற்று விடலாம்.புத்தகத்திலுள்ள ஒவ்வொரு அத்தியாயமும், ஒரு சிறுகதைக்குப் பஞ்சமில்லாத கருப்பொருளைத்  தன்னகத்தே கொண்டுள்ளது.நான் இந்தப் புத்தகத்திலுள்ள இழவுவீடு செல்லும் நண்பன் மற்றும் அட்டக்கத்தி அரவிந்த்சாமியையெல்லாம்  படிக்கும்போது,என்னையறியாமல் குபீரென சிரித்தேன். நல்லவேளை, நான் புத்தகம்  படிக்கையில், வீட்டில் யாருமில்லை. இருந்திருந்தால்,நான் புத்தகத்தை கையில் வைத்துக் கொண்டு,சிரித்த சிரிப்புக்கு என் குடும்பம்என்னை கோடங்கியிடம் அழைத்துச் சென்றிருக்கும்.

புத்தகத்தில் அச்சுமை வாசனையோடு,டாஸ்மாக் பாரின் முடை வாசனையும் அதிகளவில் நம் மூக்கைத் துளைப்பது சிறு நெருடல். ஓர் ஆகச்சிறந்த காமெடிப் படம் பார்த்த திருப்தி, இப்புத்தகத்தின்  வாயிலாக, அனைவருக்கும் நிச்சயம் கிடைக்கும.

-சபரிமயில்வாகனன்.
  7708754280.

தூங்கப்போகையில் அம்முவிற்கு
நான் சொல்லும் கதைகள் எல்லாம்
அப்பாரு சொன்ன பழங்கதைகள் அல்ல!
அம்முவிற்கு நான் சொல்லும் கதைகள்
அனைத்திலும் அம்முவே நாயகி!
உசிதப்பட்டணம் அப்படின்னு ஒரு ஊரு
என்று ஆரம்பித்தால் அம்மு ஊரின் பெயரை
சிறுவலூர் என்றே மாற்றிச் சொல்ல சொல்வாள்.
சிறுவலூரில் அம்மு என்றொரு குட்டி பாப்பா
இருந்துச்சாம்! அது எல்லா நாளும் தயிர்
சோறே தான் சாப்பிடுமாம்! அதுக்கு பல்லு
விளக்க, குளிக்க, பவுடர் பூச, பொட்டு வைக்க,
ஜடை போட எப்பவுமே ஒரு ஆளு வேணுமாம்!
-போப்பா நீ வேற கதை சொல்லு!
சிறுவலூர்ங்கற ஊர்ல ரெண்டு அம்மு இருந்தாங்களாம்!
ஒரு அம்மு உம்முனா மூஞ்சியாம்! தூங்கிட்டியா?

000000000

திருட்டு உறவுக்கு ஏங்கி நிற்கும் இந்த
கவிதையை நீங்கள் வாசித்து
வயிற்றுப்போக்கில் சிரமப்பட வேண்டாம்!
அவன் பெயரை கண்ணன் என்று இப்போதைக்கு
வைத்துக் கொள்வோம். –கண்ணன்
சீதாலட்சுமி வீட்டின் மதில் சுவறோரம்
அர்த்த ஜாமத்தில் குந்த வைத்திருந்தான்.
சீதாலட்சுமி கையில் பிடித்தாலே வழுக்கி நழுவும்
உடல் வாகு பெற்றவளாக இப்போதைக்கு வர்ணிப்போம்!
அவள் கணவனுக்கு ஆஸ்துமா தொந்தரவு
இருந்ததாக வைத்துக் கொண்டால் சரிப்படும்!
மருந்துகளின் வீரியம் கூட அவனை அன்று
தூங்க விடாமல் சதா லொக்கிக் கொண்டிருந்தான்.
சிதாலட்சுமிக்கு காமம் கடலளவு இருந்தது அன்று பார்த்து!
கண்ணனை அன்பொழுக அழைத்தவள் அவள் தான்!
இதற்கும் முன்பாக பலமுறை அவர்கள்
திருட்டு உறவு குஜாலாக கழிந்திருக்கிறது! –ஊர்
முழுக்கவும் இவர்கள் தொடர்பைப் பற்றி பேசி
வாய் ஓய்ந்து இப்போது புதிதாய் வேறு விசயம்
பேசிக் கொண்டிருக்கிறார்கள்! நேரம் செல்லச் செல்ல
சீதாலட்சுமி வருவதற்கான அறிகுறி கொஞ்சமும்
இல்லாததால் கண்ணன் தன்னையே
நொந்து கொண்டு எழுந்து கிழக்கு வீதியில்
நடை போட்டான் ஒன்றிரண்டு நாய்கள் குரைக்க!
ஒரு வழியாய் கணவன் அமைதியான தருணத்தில்
சீதாலட்சுமி கதவு நீக்கி வெளிவந்து சந்தைப் பார்த்து
மெலிதாக சீட்டி அடித்தாள்! அவளின் மணி தான்
சாப்பாடு கிட்டுமோ என்று வாலை ஆட்டியவண்ணம்
ஓடோடி வந்தது! ’சித்தே குக்கியிருக்க மாட்டானா?’
காறித்துப்பி விட்டு சீதாலட்சுமி கதவை தாழிட்டு விட்டு
படுக்கப் போனாள்! –அடுத்த நாள் கண்ணன் கூப்பிட்டான்.
நேற்றைய வயித்தெரிச்சலில் சீதாலட்சுமி
இன்னிக்கி வேலை இருக்குஎன்றாள்!
சீதலட்சுமி ஆசை மிகுதியில் அழைக்கையில்
கண்ணன் ஜோலி இருக்கு! என்றான்! இந்த
இரவு விளையாட்டை இருவருமே ஒரு
கட்டத்தில் முடித்துக் கொண்டார்கள்! – ஊர்
அடுத்த விசயத்தை பேசிக்கொண்டிருந்தது!
இந்தக்கண்ணன் பயல் லட்சுமியப் புடுச்சுட்டானாம்!
அந்த சீதா இப்ப சும்மா தான் காட்டை
வெதைக்காம போட்டிருக்கா”!

0000000000

திருவிழா காலத்துக்கென ஆத்தாவுக்கு
வளர்க்கப்படும் கிடாய்கள் ஊட்டச்சத்து
ஊட்டப்பட்டு வளர்க்கப்படுகின்றன
நமக்காக கொஞ்சலுடன்!

0000000

-காளான் தேடிப்போனா விரியன் பாம்பு கிடக்கு பூட்டுக்குள்ளன்னு பக்கத்து வீட்டு பெரியப்பன் சொல்லுதுப்பா!

-அவன் சரியான புளுகன்டா! அந்தக்காலத்துலயே அஞ்சுதலை நாகனை கருப்பராயன் கோயல்ல பார்த்ததா ஊரையே நம்ப வச்சவன்!

-எங்கண்ணுக்கு ஏம்ப்பா மசக்காளான் மட்டும் சிக்குது? உனக்கென்னடான்னா பைக்குல போவப் போவ பார்த்து கண்டு புடிச்சு வண்டிய நிறுத்திடறே?

-கண்ணை நெத்திக்கி கொண்டாந்து தேடணும்! புரட்டாசி போயிடுச்சு! அதனால காளான் சரியா பொடைக்கலை! பாப்பம் வெயில் வரட்டும்!

-சரி நாலு கேளானை வச்சு கொழம்பு பண்ண முடியாதா?

-எப்பிடியும் இந்த வாரத்துல வச்சிடுவோம்!

-கொழம்பு எப்படிப்பா செய்யுறது?

-எப்பவும் போலத்தான் கறி ஆக்க மொளகாட்டி செய்யுறாப்ல தான். ஆனா கடைசில கொதி வந்து இறக்குறப்ப உங்கோயா கையை கத்தில அறுத்து ரத்தம் ஊத்துவா கொழம்புக்குள்ள!

-போப்பா! கொழம்பும் வேண்டாம் ஒன்னும் வேண்டாம்!

0000000000000

இந்தக் கவிதைக்குள் ரேஷ்மா தான்
முண்டு கட்டிக் கொண்டு வந்திருக்க வேண்டும்!
கடவுளின் பிரார்த்தனையும் அது தான்.
ஆனால் ஷகீலா தான் குட்டேட்டன்களின்
கரகோசங்களுக்கிடையில் சிற்றோடை
நோக்கி வந்தாள்! கையோடு கொண்டு வந்திருந்த
மஞ்சள் துள் பொடியை ஆற்றில் நனைய விட்டு
அக்குள்களில் பூசிக்கொண்டு திரையை வெறித்தாள்!
குட்டேட்டன்களின் போதாமையை நிறைவு
செய்ய இயக்குனர் உண்ணி யங் பாய் ஒருவனை
ஷகீலா அமர்ந்திருந்த ஸ்பாட்டுக்கு அனுப்பி
அவளுக்கு முதுகு தேய்த்து விட அனுமதித்தார்.
இந்த தியேட்டர்கார சண்டாளப்பாவிகள் அடுத்தகணமே
சண்டைக்காட்சிக்கு தாவி விட்டார்கள் என்று
குட்டேட்டன்கள் கொந்தளித்து பெஞ்சுகளை தூக்கி
வீசி எறிந்து விட்டு கிளம்பிய காலம் மலையேறி
வைகுந்தம் போய் விட்டது சகோதரா!

00000000000






Post Comment